الغدر طبع في البشر …….و الحالة راها معدومة
زيد أقلبي فالصبر ……….. الناس عيشتهم لومة
قال الجنة و ها النار ……..ولا راعي مـعدومة
لكتاب فاضح أسرار ……..أفكارنا ولات ملغومة
ما ميزنا أخي أخيار ……. العلامة رها مرشومة
راه نقصـات لعمار ………زايدين في السومـة
راه ما اعرفنا لعبار …….. و اليوم اكلينا الثومـة
سول ذاك الشـطار ……….. خليها أخي مهمومـة
باعو كل مـا فالدار……….واليوم راها مشؤومة
طبايعنا كلها اغدار ……..
**********************************
يا قلبي كنشوفك ممحن…….وكيقولو حن تمحـن
واللي ما مات على حب الناس…….عمر باباه ما كان انســان
ماعندك عديان ياقلبـي………وكل الناس احبـابك
كنشوفك مغبون و الهم مايجيك……..
إيلا ماجابوه جنـابك………
الحب قلب الدنيا…….يضرب مية ضربة فدقيقة
و الحياة بلا بيه لاش لايقة…….
***************************
.. يا لـقلوب المعدومةتنهد ياقلبي…..
ما يفيدك غير التنهيد…..إيلا كنت عوام قاد
لا ترجع غير زيـد……
و إيلا فيك غير الهضرة……..الكلام بحر ماشي قدرة
راني ما نبغيك تكون غربال……
تغربل الشـــوك…….
نبغيك تكون عــوال…….ترقع الكــوال المهتـوك
كن مع المضلــوم………وخا تقهــر
تموت موتة الرجــال……..
لا تكون مع الضالـم…….وخا تنصــر
راك تموت دجـال……
قلبي يا قلبي………